നിമിഷനേരംകൊണ്ട് രുപംമാറിയ അച്ഛനെ കണ്ട് ഞെട്ടിയ ഇരട്ട കുട്ടികളുടെ വീഡിയോയാണ് സമൂഹമാധ്യമങ്ങളില്‍ വൈറലാകുന്നത്. ഐഎഎസ് ഉദ്യാഗസ്ഥനായ മഹാജന്‍ എക്‌സില്‍ പങ്കുവച്ച പഴയ ഒരു വീഡിയോയാണിത്. 2021 ല്‍ കുട്ടികളുടെ അച്ഛൻ ജൊനാതന്‍ നോര്‍മോയില്‍ ടിക്‌ടോക്കിലാണ് വീഡിയോ ആദ്യമായി പങ്കുവച്ചത്.
ലിഡിയ, ഹാല്‍ഡി എന്ന തന്‍റെ ഇരട്ടക്കുട്ടികളുടെ മുന്നിലേക്ക് തലമുടിയും താടിയും പൂര്‍ണമായി വടിച്ച് വരുന്ന ജൊനാഥതനെകണ്ട് ആളെ മനസ്സിലാകാതെ കുട്ടികള്‍ പേടിച്ച് കരയുന്നതാണ് വീഡിയോയിലുള്ളത്. കുട്ടികളിലൊരാള്‍ അപരിചിതനില്‍നിന്ന് സഹോദരിയെ രക്ഷിക്കാന്‍ കൈ തടസം പിടിക്കുന്നതും പിന്നീട് രണ്ടുപേരും ചേര്‍ന്ന് ഭയംകൊണ്ട് പൊട്ടിക്കരയുന്നതും കാണാം.
ഇരുവരും എപ്പോഴും എങ്ങനെയാണെന്നാണ് മാതാപിതാക്കള്‍ പറയുന്നത്. ഒരാളുടെ മുഖം വാടിയാല്‍ മറ്റെയാള്‍ക്ക് പിന്നെ ആശങ്കയാണത്രെ. നിരവധി ആളുകളാണ് ലൈക്കുകളും രസകരമായ കമന്‍റുകളുമായി വീഡിയോയ്ക്ക് താഴെ വരുന്നത്. വീഡിയോ കാണാൻ ഇവിടെ ക്ലിക് ചെയ്യുക.
